撰文：盧凱瑤
出版：2022-11-06 13:00更新：2022-12-03 19:41
由潘紹聰、岑樂怡（阿妹）及詹朗林（JJ）主持的ViuTV清談節目《晚吹 - 總有一瓣喺左近》，昨晚（5/11）一集邀請到法科黃法乾師傅分享靈異事件，當中講到港人旅遊要注意的事項，特别是行程的最後一天，以免令靈體纏身！
有港人參觀猶太人集中營後險出事。（節目截圖） 有不少驅鬼經歷的黃師傅，在節目中提及曾遇到一位患有胃潰瘍的女事主，戒酒後胃潰瘍情況仍然持續好幾年，求醫後亦沒有好轉，因此黃師傅就開掛發現女事主在2019年西北方冒犯了惡靈，而女事主當年只去了一次旅行，就是遠赴德國參觀，因此黃師傅表示事情及地點都對得上，之後又分享女事主旅行經歷：「當時佢喺柏林參觀猶太人集中營，去到之後佢情緒崩潰，直情踎咗喺地下喊，唔知點解好似同嗰啲情緒連接咗，返到嚟香港就出紅疹，仲要當時抑鬱得好緊要，嚴重到曾經喺某間大學嘅大樓打算跳樓，最後俾警方捉咗，之後就不斷胃潰瘍。」最後女事主飲了七日的符水後，情況才有所改善。 潘紹聰認為這個案件可以提醒觀眾：「去到有歷史紀念嘅地方，好似遺址同發生過意外嘅地方，翻睇歷史會好投入個種情緒，真係有可能同佢哋連接上。」而師傅亦表示參觀者有機會無法抽離情緒，所以提醒觀眾要到這些地方時一定要小心行事。隨後潘紹聰補充表示：「係呢啲地方千祈唔好亂講嘢，唔好話『你哋好慘』」師傅就話：「當然！雖然係同情嘅說話，但聽者未必受落。」
原文網址: 晚吹｜港女通關去泰國即瀨嘢 旅行最後一日勁易出事：容易被跟上 | 香港01 https://www.hk01.com/article/833244?utm_source=01articlecopy&utm_medium=referral